193尋鞋！佢琴日share呢兩對被封為「年度鞋王」嘅Air Jordan 1、Travis Scott同藤原浩Fragment Design聯乘嘅高低筒波鞋，留言話：「I NEED THESE TWO PAIRS, US12, 有冇人幫到手呀」呢款波鞋一對難求，連NBA球星Isaiah Thomas都出tweet尋鞋，炒價更高至近三萬蚊。
不過有作家以「明星，唔係咁做的。」為題，出文鬧193搲鞋：「人紅並唔代表做乜都得，運用自身影響力自肥，令人反感。藝人搲job見得多，搲鞋第一次見。 」、「你出一句聲，下面好多老婆sss會自動做嘢，用盡方法花盡心力，甚至眾籌，都為了『偶像』一刻開心而做盡。如果有『老婆』因為睇到偶像 ”I need” story，用上超過一個月人工買齊兩對鞋畀你，你過唔過意得去？錢就你賺，鞋就『老婆』買，公平咩？」佢亦指193入行前係buyer，應該有門路買到唔洗出story問，最後仲寄語193：「想繼續紅下去，你要知自己咩料。」
不過貼文一出，引嚟網民評批該位作家，指佢看圖作文：「佢無叫人送喎，一個story FF咁多？」「人地都冇叫粉絲出錢買，只係問吓有咩方法買到姐。」更引到本尊193留言反擊：「你真係唔識㗎喎」
Search